Այսօրվանից Apple-ը 30% միջնորդավճար է գանձում Instagram-ի և Facebook-ի գովազդի համար: Ի սկզբանե վճարի գանձումը սկսել է ԱՄՆ-ում այս տարվա սկզբին և ուժի մեջ է մտել ամբողջ աշխարհում այսօր՝ հուլիսի 1-ին:
Սա նշանակում է, որ iOS-ում Facebook-ի և Instagram-ի հավելվածների գովազդատուները կկատարեն վճարումներ, որոնք նման են «Apple-ի հարկին», որը կիրառվում է բջջային խաղերի հավելվածների գնումների վրա: Չնայած մարքեթոլոգների մտահոգություններին վճարի գանձումը դարձավ գլոբալ։
Հրաժեշտ տվեք հավելվածների գովազդներին
Ճիշտ այնպես, ինչպես բջջային խաղեր ստեղծողները խաղացողներին ուղղորդում են վեբ շոփեր՝ Apple-ի 30% վճարից խուսափելու համար, Meta-ի նման ընկերություններն այժմ պոտենցիալ գովազդատուներին ուղղորդում են դեպի իրենց պլատֆորմների համակարգչային տարբերակները ՝ այդ վճարից խուսափելու համար:
Սա նշանակում է, որ համակարգչային տարբերակներում գովազդի ծախսերը կմնան նույնը:
«Երբ բիզնեսներն օգտագործում են Facebook կամ Instagram հավելվածները իրենց iPhone-ների կամ iPad-ների վրա՝ գրառումը խթանելու համար, նրանցից գանձվում է 30% միջնորդավճար, որը ձեռնտու է Apple-ին: Այս վճարը գանձվում է Apple-ի հավելվածի վճարման կանոնների համաձայն, այլ ոչ թե Meta-ի»։ Այս մասին LinkedIn-ում գրել է Meta-ի գաղտնիության քաղաքականության տնօրեն Պեդրո Պավոնը։
Ինչպե՞ս խուսափել վճարից
Եթե ցանկանում եք խթանել Ձեր քոնթենթը առանց լրացուցիչ ծախսերի, ահա մի քանի տարբերակ՝
- Օգտագործեք վեբ կայք: Մտեք Facebook.com կամ Instagram.com ձեր համակարգչում և օգտվեք boosting-ի գործառույթներից: Այս պլատֆորմներն առաջարկում են նույն հատկությունները՝ փոստերը խթանելու համար, որոնք միջնորդավճար չեն գանձում։
- Ուսումնասիրեք այլ տարբերակներ։ Հաշվի առեք հավելվածից դուրս գովազդի այլ տարբերակներ, գուցե Meta Business Suite-ի կամ Meta Ads Manager-ի միջոցով:
Արդյոք սա լա՞վ փոփոխություն է
Այս փոփոխությունը օգտատերերի և բիզնեսի համար քննարկման առարկա է: Չնայած ոմանք պնդում են, որ դա նվազեցնում է մրցակցությունը և ավելացնում ծախսերը, մյուսները կարծում են, որ դա փոխհատուցում է Apple-ին իր պլատֆորմի տրամադրման համար, որի վրա աշխատում են այդ ծրագրերը:
Եղեք տեղեկացված:
Քանի որ օնլայն գովազդը շարունակում է զարգանալ, փոփոխությունների մասին անընդհատ տեղեկացված լինելը կարող է օգնել ձեզ ճիշտ որոշումներ կայացնել գովազդների վերաբերյալ:
